Aktivitetet e OKH Merhamet gjatë muajit të bekuar të Ramazanit:
5000 pako ushqimore, 200 iftare, të dërguara në shtëpitë e nevojtarëve, Tesha për mbi 500 fëmijë, 750 litra qumësht, Donacion për spitalin psikiatrik İPSH – Shkup, Donacion në klinikën e sëmundjeve ngjitëse-infektive në spitalin e Kumanovës, 1000 Dhurata Bajrami për fëmijë.
Nën moton “Jemi me ju” OKH Merhamet gjatë muajit të Ramazanit ka realizuar disa projekte në të gjithë territorin e Maqedonisë së Veriut, me synim që gjithmonë të jemi pranë nevojtarëve, e posaçërisht në muajin e solidaritetit dhe bamirësisë, për t’ua lehtësuar sadopak jetën atyre dhe për të krijuar një atmosferë festive në çdo vatër familjare.
Këto projekte janë realizuar në bashkëpunim me:
Agjencia Turke për Bashkëpunim dhe Koordinim – TİKA
Gjysëm Hëna e Kuqe Turke – Kızılay; WEFA – Gjermani; İHH – Turqi; Hayrat – Turqi; Fondacioni i Rinisë Islame Zvicër; Qendra tregtare Top Center – Tetovë; Alpi Milk – Tetovë;
Donatorë nga brënda vëndit dhe nga diaspora
OKH Merhamet falenderon të gjithë ata që ndihmuan në realizimin e këtyre projekteve.
