Ish-kryetari i Prishtinës Shpend Ahmeti, tha se kryeministri i Shqipërisë Edi Rama, kryeministri i vendit Albin Kurti, ish-presidenti i Kosovës Hashim Thaçi, janë “kafshë politike” që 24 orë mendojnë për politikë.
“Edi Rama, Albin Kurti, Hashim Thaçi, nuk po dua t’i ofendoj por këta janë kafshë politike. Kur hyn në politikë ti mundohesh të ndryshosh diçka, për të ndryshuar diçka duhet të kesh ndikim”, tha ai.
Albin Kurti sot si kryeministër i Kosovës mund të jap mendim për Maqedoninë e Veriut, por unë po them të mos shkoj të tregoj për kë duhet votuar”, tha Ahmeti për Klanin.
Këto komente të ish-kryetarit të Prishtinës erdhën pasi që takimi i Kurtit, me partitë shqiptare opozitare në Maqedoninë e Veriut, i ka ngritur dyshimet se Lëvizja Vetëvendosje mund të përfshihet në zgjedhjet parlamentare që do të mbahen më 8 maj atje.
