Kryetari i Komunës së Prishtinës Shpend Ahmeti ka apeluar për kujdes pas rritjes së numrit të rasteve active në kryeqytet teksa ka konfirmuar se 35 persona kanë humbur jetën nga marsi e deri tani. Ahmeti përmes një shkrimi në rrjetin social Facebook ka publikuar të dhëna rreth gjendjes me koronavirus në kryeqytet.
Deri më tani në Prishtinë kanë vde*kur 35 persona të infektuar me COVID-19 ndërkaq janë shëruar 2 mijë e 209 persona.
“Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht që nga data 20 Mars deri sot kemi 3724 raste me #covid19 prej të cilave 1480 raste janë̈ ende aktive. Kemi 2209 raste të shëruara dhe zyrtarisht të konfirmuara 35 raste që kanë përfunduar me fatalitet” ka shkruar Ahmeti.
