Ali Ahmeti, lideri i Bashkimit Demokratik për Integrim (BDI), theksoi sfidën e re që pason vitin e ardhshëm në zgjedhjet lokale, gjatë fjalimit të tij në festimin e 22-vjetorit të themelimit të kësaj partie politike, me një fokus në trazirat aktuale në bllokun shqiptar pas zgjedhjeve parlamentare.
– Çdokush mund të marrë mandat për të formuar qeverinë, por jo çdokush mund të marrë mandat për të vendosur se kush do të përfaqësojë shqiptarët në atë qeveri, tha Ahmeti, duke aluduar në VMRO-DPMNE dhe koalicionin VLENtë cilët kanë njoftuar formimin e një qeverie të re.
Ahmeti, përpara bashkëpartiakëve në restorantin “New Albis” në Banjicë të Poshtme të Gostivarit, e nisi fjalimin e tij duke iu referuar arritjeve të kësaj partie politike gjatë dy dekadave të saj. Ai përmendi pothuajse të gjitha ciklet zgjedhore, në të cilat, siç theksoi, kanë arritur fitore.
Ai foli edhe për gjendjen aktuale, duke iu referuar akuzave nga disa liderë partish për përgjegjësi dhe përfshirje në korrupsion të kuadrove të BDI-së, dhe kërkoi publikisht që institucionet përkatëse të nisin procedurat.
– Shtatë vite po përpiqen të na njollosin dhe merren me BDI-në. I bëj thirrje organeve që të nisin hetime për të gjithë ata që kanë qenë në funksione udhëheqëse, duke filluar nga unë, tha Ahmeti.
