Afrim Gashi tha se ata janë krenar për të gjithë fushatën edhe aktivitetin që e kanë bërë.
“Alternativa së bashku me ASH-në kanë bërë një fushatë të mrekullueshëm. Sot jemi evident se beteja për ndryshimin ka filluar. Falënderoj të gjithë votuesit, aktivistët, njerëzit e vullnetit të mirë, që pranë nesh ishin me ne për ta fituar besimin e qytetarëve dhe sot është evidente që Alternativa si një subjekt, është një prej partive që ka dhen vlerë shtesë. Përveç kësaj, është evidente që nga sonte, po paralajmërohet një dridhje e madhe tektonike në skenën politike duke filluar që nga Shkupi ku ne do të jemi në pushtet, por edhe në nivelin qendror. Jam i bindur në ndryshimin e skenës politike”, tha Gashi.
Ai tha se edhe pse janë shumë dilema që në shumë komuna vullneti i lirë i qytetarëve ka qenë i shtrembëruar duke e njollosur këtë proces, mbi gjitha për komunën e Çairit.
Afrim Gashi tha se ata së bashku me ASH-në do të vazhdojnë me punën duke mundur edhe të bëjnë qeveri të re.
