Kur vendet e shenjta në Mekë dhe Medinë janë pothuajse bosh dhe dyert e xhamive në të gjithë botën islamike janë të mbyllura për besimtarët, Ramazani nuk mund të jetë një muaj bashkimi. Muaji i shenjtë i agjërimit për muslimanët fillon më 23 Prill.
Për arsye teologjike, muaji i shenjtë i Ramazani nuk mund të “anulohet” as në kohërat e pandemisë vdekjeprurëse. Është një nga “pesë shtyllat e Islamit”, të cilat janë strukturisht të krahasueshme me Dhjetë Urdhërimet për Judenjtë dhe të Krishterët. Muaji i Kreshmës si muaji i nëntë i kalendarit islamik nuk mund të shtyhet dhe kështu as rendi i muajve, pasi konsiderohet si i dhënë nga Zoti.
Megjithatë, teologët kanë dhënë mendimet e tyre rreth kësaj çeshtjeje që prek miliona besimtarë në të gjithë botën.
Mohamed al-Issa, sekretari i përgjithshëm i Lidhjes Botërore Islame, tha: “Sheriati ndalon faljen e namazit ndërsa besimtari pas ushqimit i mban goja erë. Kjo vlen edhe më shumë kur bëhet fjalë për një virus vdekjeprurës”.
Kështu që teologu parashtron dhe shtyerjen e muajit të shenjtë të Ramazanit, si rezultat i pandemisë që ka kapluar në të gjithë botën. Në këtë rast, lutjet e përbashkëta mes besimtarëve mund të zëvëndësohen me lutje individuale.
Agjërimi nuk është aq i lehtë, por edhe këtu Islami nuk është i ngurtë. Fëmijët, të sëmurët, udhëtarët dhe gratë shtatzëna gjithmonë përjashtohen nga Ramazani, dhe koronavirusi është një sëmundje.
Universiteti Al-Azhar në Kajro, i cili pretendon titullin e autoritetit më të lartë mësimor Sunit, beson se agjërimi në këtë situatë unike thjesht mund të kryhet më vonë nga shumica e besimtarëve. Khaled Omran, Sekretari i Përgjithshëm i Këshillit u shpreh: “Besimtarët mund të bëjnë lutje pas krizës.”/ Sueddeutsche Zeitung
