Qysh nga fillimi i pandemisë COVID-19, dhe veçanërisht pasi disa vende arritën ta vinin atë nën kontroll, shumë kanë menduar nëse masat drastike të marra për të luftuar virusin ishin të tepërta, apo nëse karantina e rreptë që vuri një pjesë të mirë e botës ishte e nevojshme ose ishte një gabim shumë i shtrenjtë.
Kjo pyetje ka kuptim sepse bllokimi në pjesën më të madhe të botës, ndër të tjera ka shkaktuar një rritje të madhe të papunësisë dhe një nga krizat më të mëdha ekonomike në njëqind vjet, dhe recesionet dhe papunësia dihet se shkaktojnë shumë dëme afatgjata.
Christian Drosten, drejtues i Institutit Gjerman të Virologjisë në Spitalin Charité në Berlin, është një nga njerëzit që në vitin 2003 zbuloi virusin që shkakton SARS, dhe një nga arkitektët që hartoi strategjinë për të luftuar COVID-19.
“Njerëzit në Gjermani shohin se spitalet nuk janë të mbipopulluar, kështu që ata nuk e kuptojnë pse duheshin mbyllur dyqanet. Ata vetëm shikojnë se çfarë po ndodh këtu, jo situatën, të themi, Nju Jork apo Spanjë. Ky është një paradoks parandalimi për shumë gjermanë. Unë jam një djalë i keq që po dëmton ekonominë e vendit”, tha Drosten në një intervistë për The Guardian.
Paradoksi i parandalimit është shumë i qartë kur bëhet fjalë për sëmundje infektive që mund të parandalohen me sukses nga vaksinimi, siç është fruthi. Sa më e suksesshme bota të luftojë kundër fruthit dhe sa më gjatë të jenë zhdukur, aq më shumë njerëz pyesin nëse dëmi nga parandalimi, domethënë nga efektet anësore të vaksinimit, është më i madh se vetë fruthi.
