Edhe nëse pikat tona preferuara të notit janë rihapur, është ende e rëndësishme të mbani në mend disa gjëra për të mbajtur veten të sigurt nga COVID-19.
Sipas CDC, aktualisht nuk ka asnjë provë që virusi mund të përhapet përmes ujit në pishina, vaskave të nxehta ose në zona lojërash me ujë.
Faqja shpjegon: “Për më tepër, funksionimi i duhur i këtyre vendeve ujore sipas rregullave dhe dezinfektimi i ujit me brom duhet të çaktivizojë virusin”.
Kjo mund të bëjë që të supozoni se pishinat janë vendi më i sigurt për t’i përmbushur nevojat tuaja të verës, por trupat natyrorë të ujit kanë mënyrën e tyre të vetë-pastrimit.
“Shpërndarja e shpejtë e çdo agjenti infektues në lëvizjen turbulente të ujit, siç është deti apo liqeni, mund të zvogëlojë rrezikun e marrjes së një infeksioni nga kontakti ose zhytja në ujë”, tha Sudeb Dalai. Por ka më shumë për t’u marrë parasysh, si numri i madh i sipërfaqeve të përbashkëta ku virusi mund të përhapet në pishina publike.
Mendoni për këtë: Sa sipërfaqe prekni në një vizitë normale në pishinë?
Roberta Lavin, profesoreshë e mjekësisë në kolegjin e infermierisë në universitetin e Tennessee tha: “Për fat të mirë, larja e duarve tuaja shpesh në pishina duhet të ndihmojë në uljen e këtij rreziku ashtu siç ndodh në jetën tonë të përditshme”.
Një faktor tjetër i rëndësishëm është madhësia, pishinat publike janë përgjithësisht zona më të vogla krahasuar me plazhet e liqenit ose detit.
CDC ende rekomandon mbajtjen e praktikave të distancës sociale, e cila padyshim bëhet më e vështirë kur ka më pak hapësirë në dispozicion për të mbajtur midis jush dhe të tjerëve.
Edhe plazhet mund të jenë shumë të mbushur me njerëz, kështu që mendoni mirë përpara se të vendosni se ku do të pushoni. /Telegrafi/
