Nga 15 nëntori, përdoruesit e automjeteve ishin të detyruar të pajiseshin me goma të dimrit, ndryshe do të dënoheshin nga Policia e Kosovës.
E ky detyrim e prek edhe Policinë e Kosovës.
Mirëpo veturat e policisë në këtë sezon dimri kanë operuar me goma të verës. Sipas tyre, veturat nuk janë pajisur me goma të dimrit për shkak të vonësave të prokurimit
Kanë mbetur pak më shumë se dy javë deri në përfundimin e periudhës që automjetet kanë për detyrim ligjor të vendosin pajisjet dimërore.
Sipas Ligjit, nga 15 nëntori deri më 15 mars, automjetet dhe bashkësitë e mjeteve që marrin pjesë në trafikun rrugor duhet t’i kenë pajisjet dimërore. Këtu përfshihen gomat e dimrit dhe zinxhirët.
Kështu ka konfirmuar në një intervistë televizive vetë drejtori i Policisë së Kosovës, Rashit Qalaj.
Ndërsa në një përgjigje për Televizionin 7, Policia e Kosovës thotë se ka pasur vonesa në furnizim për disa artikuj kur është pyetur nëse veturat e policisë kanë goma të dimrit apo jo.
Përgjegjësinë për kontratën dhe vonesat sipas Policisë e ka Agjencia Qendrore e Prokurimit.
E ekspertët e fushës së komunikacionit thonë se në aspektin e performancës mos furnizimi me goma të dimrit i veturave të policisë shkakton probleme.
Sipas Baxhukut, për furnizim me pajisje të tilla bazike nuk duhet të kalohet nëpër procedurat e prokurimit.
Ndryshe, në ueb faqen e Komisionit Rregullativ të Prokurimit Publik figuron një tender për furnizim me goma të dimrit, i shpallur në dhjetor të vitit të kaluar, e i cili është anuluar për shkak se ofertuesi është cilësuar si i papërgjegjshëm.
