Shumë shkencëtarë kanë dokumentuar sasinë në rritje të mbeturinave plastike nëpër oqeane. Fotografja Caroline Power po përpiqet të ndërgjegjësojë publikun për ekzistencën dhe zgjidhjen e këtij problemi.
Ajo ka zbuluar mijëra qese plastike në bregun e ishullit Hounduran, gjë e cila po sjell efekte shkatërruese tek mjedisi dhe kafshët e detit.
Power ka në pronësi një shtëpi në ishullin Roatan në Karaibe dhe ishte duke lundruar në det kur ajo u ndesh me këtë sasi të madhe mbeturinash. Ishulli në Karaibe përshkruhet si “ishulli i parajsës”, por vetëm 15 milje larg bregdetit, gjërat janë më pak se idilike!
Në më pak se 100 vjet njerëzit i kanë zëvendësuar shumicën e produkteve të ripërdorshme dhe materialet natyrore me ato plastike, që përdoren vetëm përkohësisht; shumica e tyre përfundojnë në fushat e mbeturinave plastike, ose nëpër përrenj dhe lumenj. Shumë nga mbeturinat po ashtu shpëlahen në det dhe me kalimin e kohës hyjnë tek rrymat oqeaneve, duke udhëtuar me mijëra kilometra.
Power dhe ekipi i saj lundruan për gati pesë milje. Ata panë sasi të pafundme pjata plastike, pirunësh dhe lugësh. Në mesin e mbeturinave kishte edhe sende më të pazakonta si një televizor, topa futbolli dhe furça dhëmbësh.
