Gazeta “Vijesti” nga Podgorica ka shkruar se pesë të rinj nga rrethina e Podujevës të cilët në gjendje të dehur kanë brohoritur “UÇK,UÇK” dhe “UA Policia” në plazhin e vogël në Ulqin, iu është shqiptuar gjoba dhe janë dëbuar nga Mali i Zi.
Sipas “Vijesti”, ata përveç gjobës dhe dëbimit iu ndalohet hyrja në Malin e zi në periudhën prej 6 muajve, ndërkohë që dëbimi është kryer menjëherë.
Mësohet se gjykatësi fillimisht iu ka shqiptuar gjobën prej 300 euro, pasi ndërmjet të mërkurës dhe enjtes natën në plazhin e vogël në Ulqin kanë prishur rendin dhe qetësinë publike, kur nën ndikimin e alkoolit kanë brohoritur “UÇK, UÇK”..
Ndërkohë sipas portalit “Mondo.me” ngjarja në plazhin e vogël ka ndodhur kur dy grupe të ndara prej rreth qindra të rinjve kanë kënduar këngë nacionaliste dhe kanë brohoritur për “UÇK”, sikurse që kanë ndezur edhe flakadan ndërsa kalimtarët me automjete i kanë përshëndetur me sirena.
Policia ka ndaluar disa persona në stacionin policor dhe që të gjithë ishin nga Podujeva.
