Deputetja e Kuvendit të Kosovës, Mimoza Kusari – Lila, ka kritikuar lidhur me mosreagimin simbolik për tragjedinë në Zelandën e Re.
Ajo thotë se ‘nuk ndezëm qirinj për 50 shpirtëra që u vranë në xhami e as nuk u lutëm për ta”.
Ja çka shkruan ajo në Facebook:
U tmerruan të gjithë nga sulmi i fundit terrorist në Christchurch në Zelanden e Re. E dënuam me statuse në FB dhe me kaq e mbyllëm ne në Kosovën, vendin që përjetoi gjenocidin, terrorin dhe shtetin prej 2 milion banorësh, prej të cilëve 1 milion ishim refugjatë gjatë luftës.
Sa më mban kujtesa, nuk ndezem qirinj për këta 50 shpirtëra që u vranë në xhami duke iu falë Zotit në paqe, nuk u lutem për ta, as në xhami dhe as në kishë.
Pjesa tjerër e Botës e bëri, Kryeministri Trudeau i Kanadës, ish- Presidenti Obama, Kryeminstrja e Britanisë, Kryebashkiaku i Londrës, etj.
A u frikësuam prej dikujt se këta njerëz të pafajshëm prej 3 vjeq deri ne 71 vjeq u vranë në xhami? A nuk na bëri përshtypje se ishin shumica migrantë të Lindjes së Mesme? Apo nuk e morrëm mesazhin prej dikujt të “fortë” se edhe Kosova duhet të lutet, të mbaj namaz e meshë për ta?!
Unë sot turpërohem sa pa identitet dhe sa frikacak jemi. Unë sot skuqem sa shpejt kemi harruar si është të jesh në kërkim të lirisë dhe sa e bukur është ndjenja kur dikush ta hap derën dhe të ofron siguri.
Unë çdo ditë prej kur ka ndodhur kjo tragjedi, kjo masakër terroriste, lutem jo vetëm për shpirtin e të vrarëve, por edhe neve të gjallëve që e harruam vlerën e jetës, vlerën e lirisë dhe bashkëndjenjen me viktimën, pa marrë parasysh a janë musliman, të krishterë, hebrej, të bardhë, të zi, të verdhë apo të kaftë.
#LutemPërViktimatEChristChurch
#IPrayForVictimsOfChristChurch
