Deputeti i Lëvizjes Vetëvendosje, Sami Kurteshi, ka sulmuar ashpër kryeministrin e Shqipërisë, Edi Rama, duke e quajtur gomar dhe tradhtar.
Pas vendimit të presidentit të Shqipërisë, Ilir Meta, për të mos e dekretuar të propozuarin e Ramës, Gent Cakaj, në postin e ministrit të Jashtëm, Kurteshi ka thënë se Cakaj është emëruar nga “gomari”.
Kurteshi e ka sulmuar edhe presidentin e Kosovës, Hashim Thaçin, duke e quajtur kriminel, dhe gazetarin Baton Haxhiu, të cilin e ka cilësuar kriminel dhe spiun të BIA-s.
Postimi i plotë i Kurteshit:
Edi Rama, jo vetëm është gomar por po bëhet edhe tradhëtar!
Kosovare/ë/t në Qeverinë e Republikës së Shqipërisë i emëron Kryeministri, qoftë ky edhe gomar. E drejtë legjitime e të parit.
Por Kosovare/ë/t për poste ministrash në Qeverinë e Republikës së Shqipërisë kur i delegon krimineli dhe spiuni u udb-bia Baton Haxhiu, me apo pa kërkesën e kriminelit Hashim Thaçi, e i emëron Kryeministri i Shqipërisë, qoftë ai edhe gomar, është edhe tradhtar.
