Qëllimi i shtetit të Suedisë është të zvogëlojë përdorimin e lëndëve djegëse nga 70% deri në vitin 2030. Pak ditë më parë, ky vend bëri një hap të madh drejt përmbushjes së këtij qëllimi. Tani Suedia është vendi i parë në botë që ka një autostradë elektrike që rimbush bateritë e makinave që ngasin atë. Hekurudha elektrike është vendosur afërsisht 2 km nga një autostradë pranë Stokholmit.
Në Suedi, është vënë në përdorim autostrada e parë elektrike që rimbush makina gjatë vozitjes.
Kjo është vetëm një pjesë e ndërtimit të planifikuar. Agjencia e Rrugëve Publike ka hartuar tashmë vendet për autostradat elektrike. Me këtë, shteti shpreson të zgjidhë problemin e mbushjes së makinave elektrike.
Pra, si funksionon kjo autostradë? Kur një makinë ose kamion kalon në autostradë, energjia transferohet nga të dyja pjesët me një “dorë” të lëvizshme që është ngjitur në fund të automjetit. Krahu tërhiqet automatikisht kur makina lëviz nga rruga. Autostrada elektrike ndahet në seksione prej 50 metrash. Kur automjeti të ndalet, furnizimi me energji gjithashtu ndalet. Ky sistem gjithashtu mund të llogarisë konsumin e energjisë të automjetit. Me këtë informacion, çmimi i energjisë elektrike mund t’i atribuohet çdo përdoruesi të automjetit. Kjo metodë inovative lejon bateritë të jenë më të vogla. Përveç kësaj, kostot e prodhimit dhe të mirëmbajtjes janë zvogëluar.
Suedia pritet të ndërtojë gjysmë milioni kilometra të kësaj autostrade.
