Dhimbja nuk ka fund në familjen e 60-vjeçarit nga Mitrovica, Xhafer Osmanit, të cilët pas lajmit të kobshëm, ende nuk kanë konfirmuar nëse trupi i karbonizuar i përket 60-vjeçarit. Krimi makabër vijon të qëndrojë i mbuluar nga misteri, deri në daljen e rezultateve të ekspertimit Mjeko-Ligjor, shkaqet e krimit horror janë enigmatike. Gjatë verifikimeve të kryera në dobi të zbardhjes së kësaj ngjarje, është arrestuar shtetasi Besnik Shehaj, pasi gjatë kontrollit në banesën e tij, i është gjendur një pushkë, të cilën e kishte fshehur në dhomën e gjumit.
Lidhja intime
Që prej gjetjes së makinës dhe trupit të karbonizuar brenda saj në fshatin Derven të Fushë-Krujës, pista e cila po përflitet më së shumti, është ajo e një lidhje intime, që i ndjeri ka pasur me një grua të martuar në Kosovë. Xhafer Osmani, sipas burimeve ka qenë beqar dhe ka ka biseduar me burrin e gruas që dashuronte duke i pohuar: ”…aman pranoje se mua s’do më shikosh më, se do zhdukem…”. Një bisedë e tillë mësohet se është bërë në një nga faqet sociale që viktima dispononte.
StictyBanner mes postimeve mobil
Familja
Pas lajmit të kobshëm të gjetjes së një personi të karbonizuar brenda një automjet në zonën e Dervenit në Fushë-Krujë, që dyshohet se i përket Xhafer Osmanit nga Mitrovica e Kosovës, famijarët e këtij të fundit iu drejtuan Institutit të Mjekësisë Ligjore për të marrë konfirmimin zyrtar. Mesa duket zvarritjet institucionale, por edhe mungesa e kryerjes së analizave të ADN-së, bëri që familjarët e personit që rezulton i humbur prej datës 4 maj, të mos marrin përgjigje nga morgu i Tiranës. Ndërkohë, i vetmi institucion që ka mundësinë për të bërë anazilat e ADN-së në vendin tonë, është laboratori Policisë Shkencore. Do të duhet të pritet edhe të paktën 1 javë për të përcaktuar se i kujt i përket trupi i shkrumbuar i gjendur mesditën e së shtunës në periferi të Fushë-Krujës.
Shkaqet
Personi kryesor i dyshuar për këtë ngjarje gjithashtu është ndaluar. Policia dhe prokuroria e Krujës, janë përqëndruar gjatë mbi analizimin e disa pamjeve filmike, të sekuestruara në kamerat e një karburant “Eri”. Gjatë analizimit të filmimeve është vërejtur se makina “Volkswagen Turan”, futet në këtë rrugicë. 10 apo 17 minuta më pas, në ambjentet e karburant “Eri”, hyn një automjet tip “Benz” me ngjyrë të zezë, nga ku del Besnik Shehaj, dhe largohet nga zona e karburantit dhe shkon në drejtim të rrugës, ku hyrë 17 minuta më parë makina e kosovarit Xhafer Osmani. Gjatë marrjes në pyetje, Shehaj ka thënë se ishte larguar për të gjetur një bidon në mënyrë që ta mbushte me benzinë, pasi i duhej për motorin. Verifikimet e policisë kanë zbuluar se së bashku me Besnik Shehaj në makinë ishte dhe shtetësja I.B, kushërira e Besnikut. Gjatë marrjes në pyetje ka deklaruar se qëndron në Itali dhe se shtetasin kosovar Xhafer Osmani nuk e ka takuar asnjëherë.
