Një video në kanalin ABC7 në New York ka marrë vëmendjen e mijëra shqiptarëve këto 12 orët e fundit. Në video shfaqet një zonjë me emrin ‘Simaku Nohfe’, e cila fiton nga ndihmat vullnetare si e pastrehë.
Të shumtë kanë qenë zërat se në këtë video ka qenë këngëtarja e njohur shqiptare, Parashqevi Simaku.
Videoja u shpërnda fillimisht nga gazetari Blendi Fevziu, ku ndjekësit e njohën menjëherë këngëtaren nga Kavaja.
Në një reagim tjetër në rrjetet sociale, Fevziu u shpreh se zonja në video është Parashqevi Simaku. Ai u shpreh se sipas informacioneve, Simaku është e pastrehë dhe pa asnjë ndihmë financiare.
