Tri trupa të pajetë janë gjetur këtë mëngjes në fshatin Crveni Bregovi në afërsi të Negotinës, sipas konfirmimeve nga Prokuroria Publike. m
Përveç 14-vjeçarit, dy personat e tjerë që u gjetën të pajetë në fshatin Crveni Bregovi pranë Negotinës, janë një burrë 71-vjeçar nga Manastiri dhe një grua 66-vjeçare nga Resnja, konfirmoi Sektori i Punëve të Brendshme në Veles.
Një prokuror publik nga Prokuroria Themelore Publike në Kavadar ka kryer hetim në fshatin Crveni Bregovi të Negotinës, ku në një shtëpi të vogël, e cila shërbente si një objekt i improvizuar fetar, janë gjetur tre trupa të pajetë. Ndër të vdekurit është edhe një fëmijë rreth moshës 14 vjeç.
Sipas informacioneve fillestare, gjatë inspektimit të vendit të ngjarjes nuk janë vërejtur shenja dhune. Prokurori publik ka dhënë urdhër për autopsinë e trupave për të përcaktuar shkaqet e vdekjes. Gjithashtu, është lëshuar një urdhër për të kontrolluar funksionalitetin e pajisjes së gazit që përdorej për ngrohje në objekt.
