“Ka mjaftuar pritja. Duke filluar nga e hëna, do të nisë një aksion kundër disa prokurorëve që mbrojnë drejtpërdrejt fuqitë politike dhe të biznesit, për të cilët ka dyshime se kanë kryer krime për vite me radhë në Maqedoni,” deklaroi kryeministri Hristijan Mickoski.
Ai deklaroi se disa individëve në sistemin e drejtësisë u është dhënë mundësia të fillojnë të kryejnë detyrat e tyre në mënyrë të drejtë dhe profesionale. Megjithatë, sipas tij, nuk ka asnjë rezultat të prekshëm; përkundrazi, shihet vetëm mbrojtje ndaj veprimeve të mundshme kriminale të kryera nga individë me pushtet.
“Ka mjaftuar pritja, kemi pritur dhe kemi dhënë mundësi, por mjaft është mjaft. Është e qartë se kur vjen momenti për të nënshkruar vendimin e fundit që çon drejt drejtësisë, disa prokurorë për fat të keq papritmas përballen me ‘sulme të rënda’ si diarre, dhimbje barku, dhimbje koke, temperaturë, ankth, dhe të tjera,” deklaroi Mickoski.
