Dje policia në Veles arrestoi dy persona pasi u kapën duke shit-blerë drogë, informoi SPB Veles. Bëhet fjalë për M.T. (48) dhe Gj.D. (39), të dy nga Velesi.
Rreth orës 09:00, Gj.D. u kap duke i shitur dy pako me substancë të kafte pluhur M.T.-së, i cili më pas i gëlltiti paketat pasi vuri re policët, pas çka u dërgua në spital në Veles. Më vonë, me urdhër gjykate, u krye edhe një kontroll në shtëpinë e Gj.D., ku u gjetën dhe konfiskuan 14 pako me substancë të kafte pluhur dhe para.
“Pas dokumentimit të plotë të rastit, në koordinim me prokurorin publik, ndaj Gj.D. do të ngrihet padi penale sipas nenit 215 të Kodit Penal – ‘prodhim dhe shpërndarje e paautorizuar e narkotikëve, substancave psikotrope dhe prekursorëve’,” njoftoi MPB.
