Mëngjesi do të jetë i ftohtë, me kushte për mjegull në disa lugina. Gjatë ditës pritet mot me diell, me re të lehta deri mesatare në disa zona dhe përgjithësisht i qetë. Temperaturat minimale do të jenë nga -6 deri në 4 gradë, ndërsa maksimale nga 14 deri në 20 gradë Celsius.
Në Shkup, mëngjesi do të ketë mjegull të lehtë, ndërsa gjatë ditës do të jetë me diell dhe me re lokale. Temperaturat do të variojnë nga 0 deri në 17 gradë Celsius.
Deri të shtunën, moti do të mbetet me diell, me re të lehta deri mesatare në disa zona. Në disa lugina pritet mjegull ose re të ulëta, të cilat mund të jenë të qëndrueshme në disa vende. Nga e diela, moti do të bëhet me vranësira të ndryshueshme dhe më i ftohtë. Në fillim të javës së ardhshme priten reshje të herëpashershme shiu, ndërsa në malet më të larta mund të ketë borë të përkohshme.
