SPB Veles, ka dorëzuar kallëzim penal në Prokurorinë Themelore të Velesit, kundër A.B. (33) dhe A.S. (30), të dy nga fshati Melnicë, komuna e Çashkës, për shkak të dyshimeve për kryerjen e veprës penale “abuzim me pozitën dhe autoritetin zyrtar” sipas nenit 353 të Kodit Penal.
A.B., i punësuar në Drejtorinë për Udhëheqjen e Librave Amë, ka nxjerrë kopje të dokumenteve dhe ka paraqitur kërkesa për dokumente për individë që nuk janë të pranishëm në shtet, konkretisht për shtetas të Republikës së Turqisë, gjë që është në kundërshtim me Ligjin për Udhëheqjen e Librave Amë . Ai, për një periudhë prej tre vitesh, ka ndërmjetësuar për paraqitjen e dokumentacionit për individë që kanë dëshiruar të fitojnë shtetësinë maqedonase dhe ka marrë përfitime të paligjshme prej 400 deri në 800 euro. Kjo ka shkaktuar dëm në buxhetin e shtetit.
A.S., e punësuar si këshilltare për shtetësi në Ministrinë e Punëve të Brendshme, ka pranuar dokumente – kërkesa për pranimin në shtetësi për individë që kërkojnë shtetësi përmes origjinës, pa qenë të pranishëm dhe pa paraqitur kërkesën vetë, gjë që është në kundërshtim me Ligjin për Shtetësi. Ajo ka pranuar të gjithë dokumentacionin, i cili më parë ishte dorëzuar tek i padëshmuari dhe ai ia ka dorëzuar atyre.
