Ministrja e Arsimit dhe Shkencës, Vesna Janevska, njoftoi se Inspektorati Shtetëror i Arsimit po vazhdon të punojë mbi të gjitha denoncimet që kanë mbërritur, duke zbuluar disa parregullsi në disa universitete.
Në një deklaratë për mediat, ajo theksoi se parregullsi nuk ka vetëm në universitete, por edhe në institute, duke shtuar se „procesi i mbylljes së dy instituteve është përfunduar plotësisht“, por nuk zbuloi emrat e instituteve që janë mbyllur.
„Lejoni që t’i mbyllim dhe do t’i publikojmë në mënyrë transparente. Në këtë moment, mund të vazhdojë edhe për tre të tjera, por duhet të përfundojë dhe pastaj do të kemi informacion“, tha Janevska gjatë vizitës së saj në Shkollën e Mesme Komunale „Kole Nehtenin“ në Shkup, ku ajo mori pjesë në aktivitetet për transformimin e shkollës në një qendër rajonale për arsimin dhe trajnimin e mesëm profesional.
Ajo shtoi se në disa universitete procesi është gati të përfundojë, dhe janë marrë masa, duke u shqiptuar gjoba ndaj komisioneve të recenzentëve, dekanëve dhe rektorëve për parregullsitë e gjetura.
