Më 30 tetor 2024, rreth orës 15:07, në Sektorin për Punë të Brendshme në Shkup është raportuar se një punonjës i Ndërmarrjes Publike “Parkingu i Qytetit” është sulmuar fizikisht në një hapësirë parkimi në komunën Aerodrom. Incidenti ka ndodhur rreth orës 14:30, kur punonjësi, M.T., 58 vjeç nga Shkupi, ka vendosur një bllokues në një automjet me targa kroate, pas së cilës është sulmuar nga një person. Policia ka ndërmarrë masa për të zbardhur rastin dhe për të përcaktuar rrethanat e incidentit.
