Sot (26.10.2024) në orën 01:15, oficerët e policisë nga Stacioni Policor për Mbikëqyrje Kufitare dhe Pikën Kufitare Bogorodicë, pranë fshatit Bogorodicë, ndaluan një automjet “Seat Altea” me targa kombëtare të Kosovës, të drejtuar nga Z.M. (36) nga Kosova. Në automjet u gjetën tetë migrantë ilegalë, shtatë prej të cilëve nga Siria dhe një nga Egjipti.
Së bashku me automjetin “Seat Altea” lëvizte edhe një automjet “Audi” pa targa, i cili nuk ndaloi në shenjën e dhënë nga policia, por u largua nga vendi i ngjarjes. Pas një kohe të shkurtër, nga ai automjet zbritën tetë migrantë ilegalë, gjashtë prej të cilëve nga Kuvajti dhe dy nga Siria, ndërsa shoferi u arratis. Z.M. është arrestuar dhe po ndërmerren masa të mëtejshme për zbardhjen e rastit, pas së cilës do të bëhet një kallëzim përkatës.
