Sot moti do të jetë i freskët në mëngjes, ndërsa gjatë ditës me diell dhe me vranësira të lehta deri mesatare lokale. Do të fryjë erë e lehtë deri mesatare nga drejtimi juglindor. Temperaturat minimale do të jenë nga -2 deri në 7 gradë, ndërsa ato maksimale nga 19 deri në 25 gradë.
Në Shkup mëngjesi do të jetë më i freskët, ndërsa gjatë ditës kryesisht me diell dhe me erë të lehtë juglindore. Temperatura minimale do të zbresë deri në 4 gradë, ndërsa ajo maksimale do të arrijë deri në 25 gradë.
Sipas DPHM-së, të enjten pasdite kryesisht në zonat perëndimore do të ketë reshje shiu të herëpashershme. Nën ndikimin e një aktiviteti ciklonik, të premten dhe gjatë fundjavës në shumë vende do të ketë reshje shiu, disa prej të cilave mund të jenë më të dendura, të shoqëruara me vetëtima dhe erë të fortë.
