Sot moti do të jetë me diell, me vranësira të vogla deri mesatare dhe me erë të lehtë deri mesatare nga drejtimi verior. Pasdite, në zonat malore, priten reshje të shkurtra shiu dhe rrallë bubullima.
Temperatura maksimale do të arrijë nga 27 deri në 35 gradë, ndërsa indeksi UV do të jetë 6.
Në Shkup, paradite moti do të jetë me diell, me vranësira të vogla deri mesatare dhe me erë mesatare nga verilindja. Pasdite, në disa pjesë të luginës, do të ketë shtim të vranësirave. Temperatura maksimale do të arrijë deri në 34 gradë.
Drejtoria për Punë Hidrometeorologjike (UHMR) informon se pritet një periudhë moti kryesisht stabil, përveç në zonat malore ku do të ketë reshje të rralla shiu pasdite dhe rrallë bubullima. Temperaturat ditore do të jenë më të larta për rreth dy deri tre gradë.
