Gjykata Themelore në Prishtinë, i ka caktuar masën e paraburgimit prej një muaji të dyshuarës Nazmije Millaku, 56-vjeçare, për vrasjen e kunatit të saj, Xhevdet Millaku, mbrëmjen e 20 gushtit në lagjen Kodra e Trimave në Prishtinë.
Prokuroria Themelore në Prishtinë, Departamenti për Krime, kërkesën për caktimin e masës së paraburgimit, e ka arsyetuar mbi arsyet ligjore pasi ekziston dyshimi i bazuar se e njëjta ka kryer veprën penale që i vihet në barrë.
E dyshuara para gjykatës ka deklaruar se është me terapi për shërimin e sëmundjes dhe se ka probleme pasi është e traumatizuar.
Ajo gjithashtu kishte deklaruar se ka pasur kërcënime të vazhdueshme nga burri dhe kunati saj, kjo pasi që burri i saj kishte qenë i ndikuar nga kunati, ku edhe e kanë sharë dhe ofenduar vazhdimisht.
