Një familje humbi jetën në një zjarr që shpërtheu gjatë natës në Novi Sad, dhe ndër viktimat dyshohet se janë katër fëmijë.
Zjarri fillimisht u vu re nga një fqinj i familjes, i cili më pas u përpoq t’i kontaktonte dhe t’i ndihmonte, por nuk ia doli, kështu që thirri njësinë e zjarrfikësve, raportojnë mediat serbe.
Ndihma e shpejtë ka reaguar menjëherë, por fatkeqësisht, familja nuk ka mundur të shpëtohet.
Sipas informacioneve të para, dyshohet se zjarri ka shpërthyer për shkak të instalimeve elektrike, konkretisht nga një biçikletë elektrike që ishte në karikim.
