Mbi 90 kilogramë kokainë me vlerë mbi 2,9 milionë euro janë zbuluar në një ngarkesë me banane në një kontejner që ka mbërritur në portin e Selanikut nga Ekuadori, dhe si pranues ishte shënuar një kompani franceze që dërgon banane në Rumani, raporton korrespondentja e MIA-s nga Athina.
Drejtoria e Pavarur e të Ardhurave Publike të Greqisë (AADE) njoftoi se inspektorët doganorë, me ndihmën e rrezeve X, e kanë zbuluar kokainën në një ngarkesë me banane të freskëta.
Ajo ishte e paketuar në 80 pako me një peshë bruto totale prej 92,7 kilogramësh, të fshehura me kujdes në një hapësirë të veçantë të mekanizmit të ftohjes. Droga dhe kontejneri u konfiskuan menjëherë dhe u njoftua prokuroria kompetente, ndërsa hetimet për zbulimin e marrësve të kokainës vazhdojnë.
