“Kjo ndodh kur je një fans i aktorit të famshëm Richard Gere,” shkroi ministri për Çështje Evropiane Orhan Murtezani në Facebook, pasi dje, pas takimit me ambasadorin e BE-së David Geer, bëri një gafë dhe tha se kishte një takim të suksesshëm me ambasadorin e delegacionit evropian Richard Gere.
Në deklaratën e tij, Murtezani tha se kishte siguruar ambasadorin e BE-së se vendi mbetet i përkushtuar ndaj agjendës evropiane, gjë që, siç theksoi ai, konfirmohet edhe me Programin e Qeverisë.
“Rekomandimet dhe sugjerimet e miqve tanë strategjikë i dëgjojmë me vëmendje të madhe, dhe dëshmi për këtë janë hapat konkrete të shpejta të Qeverisë së re në lidhje me miratimin e agjendës reformuese,” tha Murtezani.
Ai informoi se në seancën konstituive të Qeverisë, të gjitha ministritë janë ngarkuar që deri më 4 korrik të dorëzojnë të gjitha vërejtjet dhe rekomandimet e mundshme në lidhje me agjendën reformuese.
