Irani nisi sulmin e tij ndaj Izraelit duke lëshuar dhjetëra dronë kamikaze. Bëhet fjalë për dronët Shahed-136.
Gjenerali në pension Amos Yadlin tha se dronët ishin të pajisur me 20 kilogramë eksploziv secili dhe se mbrojtja ajrore e Izraelit ishte gati për t’i rrëzuar.
Droni iranian është projektuar dhe prodhuar nga HESA në bashkëpunim me Kompaninë e Aviacionit Iran, e cila është nën kontrollin e Ministrisë së Mbrojtjes dhe Logjistikës së Forcave të Armatosura të Iranit.
Është një dron vetëvrasës i përdorur në ushtrinë iraniane që nga viti 2021.
Droni Shahed-136 është 3.5 metra i gjatë, 2.5 metra i gjerë dhe peshon 200 kilogramë. Është projektuar në formën e një krahu delta, me timonë stabilizues në skajet. Trupi i avionit është i centralizuar dhe i lidhur me krahët.
Ky dron portativ mund të mbajë deri në 40 kg koka luftarake në pjesën e përparme të hundës dhe mund të montohet dhe lëshohet nga kamionë ushtarakë ose komercialë.
