Prokuroria në Strugë njofton se ka iniciuar procedurë ndaj një personi i cili ka sulmuar fizikisht një infermiere e cila i ka kërkuar që të fikë cigaren.
– Prokuroria Themelore Publike e Strugës ka filluar procedurë ndaj 52-vjeçarit banues në Veleshtë i cili dyshohet se ka kryer vepër penale Sulm ndaj punonjësit shëndetësor dhe punonjësit shëndetësor gjatë kryerjes së veprimtarisë shëndetësore nga neni 304-d paragrafi 2 lidhur me paragrafin 1 të Ligjit për mbrojtjen shëndetësore.
Më 29 shkurt, i dyshuari ka sulmuar fizikisht një infermiere në Repartin e Kirurgjisë në Spitalin ie Përgjithshëm në Strugë, e cila i ka kërkuar që ta fikë cigaren. Ai është sjellë në mënyrë agresive ndaj saj dhe e ka ofenduar, e më pas e ka goditur me shkelma në bark, pas së cilës është larguar me vrap.
Ai është gjetur dhe është burgos të nesërmen. Duke pasur parasysh se kjo sjellje e të dyshuarit vërteton rrezikun që ai të ikë sërish për të shmangur ndjekjen penale, dhe për shkak të rrezikut që ai të përsërisë veprën dhe të sulmojë infermieren, prokurori publik i ka dorëzuar gjyqtarit të procedurës paraprake propozim për caktimin e masës së paraburgimit, thonë nga Prokuroria.
