Siç informojnë nga sindikata pranë Fondit të Sigurimeve Shëndetësore (FSHF), në njësitë rajonale për pranimin e dokumenteve do të jetë vetëm një punonjës.
– Njëkohësisht duam të falënderojmë qytetarët dhe mjekët e shëndetësisë publike dhe private për mbështetjen dhe mirëkuptimin e mëparshëm, të cilët mbështesin punonjësit në kërkesat e tyre dhe janë në krah të punonjësve të FSSH-së dhe e kuptojnë problemin e tyre të pagave.
Javën e kaluar, punonjës të FSSH-së u mblodhën para ambienteve të Fondit, duke shprehur pakënaqësi për uljen e mundshme të pagave.
– Nga 9 janari, me rekomandim të Qeverisë, siç është paraparë, kërkohet një ulje prej 21 për qind. Edhe pse Qeveria e rekomandon si përshtatje sipas buxhetit të miratuar, sipas përllogaritjeve të shërbimeve të ekspertëve, kjo do të thotë që të gjithë punëtorëve t’u ulen pagat për 21 për qind, tha atëherë kryetari i Organizatës Sindikale të FSSh-së. Branko Ajigogov.
Sipas sindikatës, vendimi do të prekë 831 punonjës të FSSH dhe nëse do të ketë ulje të pagave, 25 për qind do të marrin paga nën pagën minimale dhe 25 për qind do të marrin pagën minimale.
Më pas Ministria e Financave sqaroi se nuk bëhet fjalë për ulje të pagave të punonjësve të FSSh-së, por po tentohet të rriten sërish, gjë që do të ketë implikime fiskale në buxhetin e Fondit.
Pagat në FSSh gjatë vitit 2023, siç bëjnë me dije nga Ministria e Financave, janë rritur disa herë, përkatësisht 2100 denarë ose rreth shtatë për qind në mars 2023 me respektimin e pagës minimale, rritje prej 2,5 për qind në janar 2023 dhe 3,5 për qind në gusht 2023.
