Mediat në Suedi këto ditë po raportojnë për tragjedinë e ndodhur më 8 janar në një apartament në zonën e Rosenlund. Siç raportohet, një baba ka tentuar të vrasë djalin e tij 10-vjeçar në banesën e familjes dhe më pas ka lajmëruar policinë.
Burri ishte i vetëm në shtëpi me fëmijën e tij dhe po kujdesej për të, kur kreu krimin. Më pas, sipas raportimeve të shumta të mediave suedeze, ai i tha policisë se për një kohë të gjatë kishte menduar të vriste djalin e tij.
Lajmi për ngjarjen është publikuar edhe në buletinin e policisë së Suedisë.
Policia u thirr në zonën e Rosenlund në orën 10:55 me informacion për një person të plagosur shumë rëndë në një apartament. Kur patrullat e policisë kanë mbërritur në banesë, kanë gjetur një djalë të mitur me plagë në rrezik për jetën dhe një burrë të rritur.
Djali u transportua me helikopter në spital, ndërkohë që i jepej mbështetje jetësore, por jeta e tij nuk mund të shpëtohej.
Burri që ndodhej në banesë është arrestuar dhe i dyshuar për krimin dhe është kryer hetimi. Masat e tjera vijojnë në kuadër të hetimit penal. Sipas vendimit të prokurorit, burri ndodhet në mbajtje – thuhet në buletinin e policisë.
Këto ditë në rrjetet tona sociale ka reagime të personave që e njihnin familjen, të cilët pohojnë se janë persona nga Koçani që kanë jetuar dhe punuar në Suedi.
Djali i vrarë ishte fëmija i tyre i vetëm. Publikohen edhe foto të familjes.
Mediat suedeze kanë publikuar edhe një raport nga shkolla ku djali ka ndjekur mësimet, si dhe një deklaratë të drejtorit të së njëjtës.
Ajo tha se ekipet profesionale të psikologëve janë duke punuar me pjesën tjetër të studentëve pas ngjarjes tragjike dhe të gjithë janë të mërzitur nga tragjedia. Identiteti i viktimës dhe vrasësit nuk janë publikuar ende në mediat vendase, por janë publikuar fotot e babait duke u marrë në pyetje.
