Spitali më i madh i Gazës ka karburant për gjeneratorët e tij për disa orë të tjera, tha një mjek për Sky News. Dr Omar Abdel-Mannan tha se ai ishte në kontakt me ekspertë mjekësorë në spitalin Al Shifa në “bazë të përditshme” dhe se situata ishte “katastrofike”.
“Shqetësimi më i madh që pata mbrëmë ishte teksti i fundit që mora nga një koleg i cili tha se gjeneratorët e tyre mund të funksiononin edhe për disa orë,” tha ai.
Duke shpjeguar se çfarë do të thotë kjo, ai tha se dritat do të fiken, ventilatorët do të ndalojnë së punuari, foshnjat e parakohshme do të “vdisnin” dhe “ata që janë në dializë çdo ditë do të vdisnin”.
“Kjo është, sinqerisht, një fatkeqësi humanitare më e keqe se çdo gjë që kemi parë në historinë e fundit”, shtoi pediatri.
Ai tha se kishte parë foto të fëmijëve me “gjymtyrë të copëtuara, trupa të gjymtuar dhe djegie në fytyrat e tyre” dhe shtoi se “nuk ka kurë për këta fëmijë”. “Ata janë pothuajse më mirë të vdekur, ky është realiteti,” tha ai.
“Ata janë në dhimbje të tmerrshme, në agoni”, shtoi ai.
