Ani se falja e Kurban Bajramit bëhet nesër në ora 6:15, presidenti Hashim Thaçi me anë të një postimi në llogarinë e tij në Facebook ka uruar të gjithë besimtarët myslimanë për festën e Kurban Bajramit.
Thaçi ju është drejtuar besimtarëve të besimit islam me një mesazh urimi për festën e Kurban Bajramit, shkruan gazetametro.net.
“Të gjithë besimtarëve të besimit islam ua uroj festën e Kurban Bajramit. Uroj që mirësia, urtësia, harmonia, paqja dhe uniteti përherë të mbretërojnë në familjet tona dhe më gjerë, si vlera universale të njerëzimit. HTH”, shkruan Thaçi.
Besimtarët myslimanë nesër kremtojnë Kurban Bajramin, manifestimi fillon në ora 5:10, me faljen e namazit të sabahut, kurse Namazi i Kurban–Bajramit falet në ora 06:25./gazetametro.net
