Një vajzë 22 vjeç është vrarë në prag të Krishtlindjes pasi u përplas nga një automjet policie rreth orës 20:10 mbrëmjen e 24 Dhjetorit në Liverpool. Rachael Louise Moore e cila vdiq nga plagët e marra është gruaja e dytë që vritet pas përplasjes me një makinë policie në Mbretërinë e Bashkuar gjatë periudhës së Krishtlindjes, pasi një nënë e tre fëmijëve u godit në Oldham të premten, më 23 Dhjetor.
Pas vdekjes tragjike të Rachael, familja e saj ka lëshuar së fundmi një deklaratë të dhimbshme për vajzën e tyre.
Familja tha: Rachael Louise Moore 22 vjeç, vajza e Alison dhe Ian, motra e Benit dhe mbesa shumë e dashur e Nana Sue, do na mungojë shumë. Familja kërkon që privatësia e tyre të respektohet në këtë kohë shkatërruese. Zyra e Pavarur për Sjelljen e Policisë ka nisur një hetim dhe Policia e Merseyside ka deklaruar se tani po kërkon dëshmitarë ose ndonjë informacion më shumë mbi këtë aksident.
Detektivi i Rreshterit Kurt Timpson nga Njësia e Hetimit të Përplasjeve të Rënda MATRIX ka deklaruar: Pas vdekjes së Rachael ne po ofrojmë ndihmë për Zyrën e Pavarur për Sjelljen e Policisë (IOPC), e cila ka nisur një hetim për rrethanat e këtij incidenti. Unë i bëj thirrje kujtdo që ishte dëshmitar i këtij incidenti që të kontaktojë për të zbuluar rrethanat e aksidentit. /tvklan.al
