Deutsche Welle, një ndër mediat me të ashpra në qëndrimet e saj anti-Erdogan, e që herëpashere trajton tema sociale me muslimanë në një këndvështrim kritik, ka lejuar korrespondentin e saj serb, Nemanja Rujevic, që të ironizojë liderin turk duke ngacmuar dhe ndjesi delikate fetare.
“Rënia e lirës turke – as Allahu nuk mund të ndihmojë“, ka qenë një titull i një raportimi të tij në këtë media të njohur gjermane, e cila ka marrë si referencë deklaratën e Erdoganit se “në qoftë se ata kanë dollarin, ne kemi Allahun”, përcjellë si mesazh gjatë komenteve për krizën me SHBA.
Kjo ka nxitur reagime të shumta në rrjete si ndaj korrespondentit serb e si ndaj DW-së.
