Real Madrid është edhe një herë mbi Barcelonën në listën e skuadrave që kanë fituar më shumë tituj deri më tani.
Klubi madrilen me titullin e fituar sot në La Liga shkon në kuotën e 95 trofeve të fituar deri tani. Sipas gazetës Marca, me këtë trofe, Real Madridi lë pas vete rivalin e urryer, Barcelonën, e cila ka 94 tituj të fituar.
Titulli i fituar në La Liga ishte i 35-ti për Los Blancos në histori, ndërsa Barcelona ka 26 tituj të fituar në kampionatin elitar spanjoll. Në Ligën e Kampionëve, Mbretërit mund të mburren me 13 tituj, më shumë se çdo klub tjetër në Evropë, ndërsa Barcelona ka pesë tituj.
https://twitter.com/realmadrid/status/1520442519577935872?ref_src=twsrc%5Etfw%7Ctwcamp%5Etweetembed%7Ctwterm%5E1520442519577935872%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Freal-madridi-kalon-barcelonen-trofe-pas-titullit-te-fituar-ne-la-liga%2F
Copa del Rey është turneu me bilancet më të çekuilibruara në favor të Barcelonës, e cila e ka fituar 31 herë. Real Madridi, nga ana tjetër ka 19 tituj, por nuk e ka fituar që nga viti 2014.
Tre ish-kupa të UEFA-s të fituara nga Barcelona janë përfshirë në bilanc, pavarësisht se UEFA nuk e përfshin në garat e saj zyrtare. Edhe Recopa është e zhdukur tashmë, të cilën katalunasit e fituan katër herë për dallim nga Real Madridi që nuk e ka asnjë.
https://twitter.com/marca/status/1520435771706064897?ref_src=twsrc%5Etfw%7Ctwcamp%5Etweetembed%7Ctwterm%5E1520435771706064897%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Freal-madridi-kalon-barcelonen-trofe-pas-titullit-te-fituar-ne-la-liga%2F
Real Madridi ka ende opsionin për të shtuar edhe një titull, pasi është ende në garë për trofeun e Ligës së Kampionëve këtë sezon. Të mërkurën, kundër Cityt, Los Blancos kërkojnë të kthehen në një finale të Kupës Evropiane pas katër vitesh. /Telegrafi/
