Këngëtarja e njohur, Gwen Stefani iu desh t’i kërkonte falje bashkëshortit Blake Shelton që harroi të vendoste në gisht unazën e martesës gjatë paraqitjes së saj në emisionin “Jimmy Kimmel Live”.
“Kam harruar të mbaj unazën time,” tha Stefani drejtuar Kimmel-it, gjatë emisionit ndërsa tregonte dorën e saj të stolisur me unaza të tjera.
“Mendova, ‘ok’, do ta vendos në pastruesin e bizhuterive në mënyrë që Jimmy të shohë se sa e shkëlqyeshme dhe e mahnitshme është unaza ime’. Dhe pastaj… gishti qëndroi pa unazë.”- shtoi këngëtarja.
Këngëtarja e “Hollaback Girl” pranoi se ishte jashtëzakonisht e turpëruar për daljen në TV live pa unazën që simbolizonte martesën e saj.
“Jam shumë e turpëruar! Më vjen keq, Blakey,” tha ajo. “Unë e dua burrin tim dhe më pëlqen të jem e martuar me të. Është gjëja më e madhe që më ka ndodhur ndonjëherë, kështu që ja ku jemi.”
Stefani dhe këngëtari i “God’s Country”, 45 vjeç, u martuan në korrik 2021 në një ceremoni intime në fermën Shelton’s Oklahoma . Ata fillimisht filluan të takoheshin në vitin 2015 pas takimit në xhirimet e “The Voice”.
