Marketet nuk e rrisin çmimin e bukës dhe mbetet nga 25-27 denarë, pasi Ministria e Ekonomisë mori vendim për ngrirjen e marzhit të produkteve bazë ushqimore.
Sot, Kiper Market ka njoftuar qytetarët se çmimi i bukës në marketet e tyre nuk është rritur dhe se do të shitet me çmim prej 25 deri 27 denarë, respektivisht buka 550g – 25 denarë dhe buka e prerë 550g – 27 denarë.
Ministri Bekteshi ka bërë apel që edhe marketet e tjera le ta ndjekin këtë shembull në kohë krize për të mbrojtur qytetarët nga goditjet e çmimeve.
