Ministria e Mbrojtjes së Rusisë ka deklaruar se do të tërheqë një pjesë të trupave nga kufiri me Ukrainën.
Vendimi ka ardhur sipas autoriteteve ruse pasi forcat e ushtrisë kanë përmbushur stërvitjet që vijonin prej disa javësh.
Siç raporton BBC, Rusia ka theksuar megjithatë se një pjesë e trupave do të vijojnë të qendrojnë në kufirin me Ukrainën, sërish nën justifikimin se vijojnë stërvitjet.
Rusia kishte pozicionuar rreth 130,000 trupa pranë kufirit të Ukrainës, duke përfshirë rreth 30,000 trupa që merrnin pjesë në stërvitjet ushtarake në Bjellorusi.
Kancelari i Gjermanisë, Olaf Scholz, të martën do të qëndrojë në Moskë për t’u takuar me Presidentin e Rusisë, Vladimir Putin, në një mision të rëndësishëm për ta shmangur luftën. Partnerja më e madhe tregtare e Rusisë në Evropë ka paralajmëruar sanksione të mëdha, nëse Rusia e su*lmon Ukrainën.
