Nuk ka asnjë lajm për miratimin e Ligjit të ri për Marrëdhënie pune, me të cilin pushimi i vazhduar i lindjes do të rritet në 12 muaj. Ministria e Punës dhe Politikës Sociale vitin e kaluar njoftoi se në qershor Ligji do të shkojë në debat publik, pas çka do të fillojë procedura e miratimit dhe në vitin 2022 do të hyjë në fuqi. Megjithatë, ende nuk është përgatitur zgjidhja ligjore dhe jo më nisja e procedurës për miratim në Kuvend, raporton Sdk.mk, transmeton Portalb.mk.
Nga Ministria e Punës dhe Politikës Sociale thonë se përgatitja e Ligjit është në fazën përfundimtare dhe së shpejti do të jetë në debat publik.
“Ligji për Marrëdhëniet pune aktualisht është në grupe punuese, përgatitja e tij është drejt përfundimit dhe së shpejti mund të hapet debat publik. Më pas do të duhet të kalojë në Qeveri dhe më pas në miratim në Kuvend. Bëhet fjalë për zgjidhje krejtësisht të re ligjore, jo vetëm ndryshohet pushimi i lehonisë, por përfshihen edhe dispozita të tjera të ligjit, të cilat prej vitesh nuk kanë ndryshuar dhe për rrjedhojë duhet më shumë kohë për përgatitjen e tij”, thonë nga Ministria e Punës dhe politikës sociale.
Sipas njoftimeve të ish-ministres Jagoda Shahpaska, me ligjin, nënat do të mund të shfrytëzojnë pushimin e e vazhduar të lindjes prej 12 muajsh, në vend të 9 muajve sa është aktualisht aktual, kurse baballarët do të kenë mundësi të shfrytëzojnë 10 ditë pushim për lindjen e fëmijës.
