Ekspertët kundërshtojnë vendimin e qeverisë për të nisur vitin shkollor më 1 shkurt me prezencë fizike. Në një debat të organizuar nga ambasada e parë e fëmijëve “Megjashi”, mjekët sugjerojnë që të paktën dy javët e ardhshme mësimet të zhvillohen online, pasi siç thonë ata, mund të ketë rritje edhe më të madhe të numrit të të infektuarve me Covid, shkruan Tv Sitel.
Sipas ekspertëve, fëmijët duhet të mbajnë ende maska në klasa. Ata thonë se të gjitha hulumtimet botërore kanë treguar se maska nuk ndikon në shëndetin e fëmijëve.
Pjesëmarrësit në debat konkludojnë se është mirë që fëmijët të testohen në shkolla pasi shumë vende e kanë pasur një praktikë të tillë. Nëse shteti nuk mund të sigurojë teste të mjaftueshme, ata thonë se është mirë që të bëhen testime në shkolla për fëmijët që do të shfaqin simptoma tipike të koronavirusit.
