Paraprakisht në Kuvend për shkak të takimit të liderëve u anashkalua pika e rendit të ditës për ndryshimet në Kodin zgjedhor. Kreu i Kuvendit Talat Xhaferi njoftoi se do të pritet epilogu nga takimi i liderëve. Qëllimi është që të kompletohet KSHZ për referendum eventual për emrin në vjeshtë. Asnjë deputet nuk kishte kundër që të anashkalohet pika e rendit të ditës me të cilën në seancën e sotme u vendosën propozim- ndryshimet e Kodit zgjedhor me procedurë të shkurtuar.
