Memorandumi i bashkëpunimit për Gostivarin që duam
Inicativa qytetare Gostivari që dua, pas takimeve me përfaqësues të subjekteve të ndryshme politike, vendosi që të lidhë bashkëpunim me Bashkimin Demokratik për Integrim – BDI, dega në Gostivar.
“Drejtuesit e Iniciativës, pas shqyrtimit të ofertave nga subjektet politike, njëzëri konstatoi që Bashkimi Demokratik për Integrim – BDI, tregoi gatishmëri, seriozitet dhe u dakordua për bashkëpunim dy palësh duke pranuar programin tonë për Gostivarin që duam në tërrësi duke pranuar edhe specifikat e paracaktuara, siç janë afatet e realizimit të programit me prioritet projektet që japin zgjidhje për problemet kryesore me të cilat ballafaqohen sot banorët e Gostivarit”, tha Lekë Dalipi nga Iniciativa në ditën e nënshkrimit të memorandumit për bashkëpunim.
Memorandumi i nënshkruar me datë 10 shtator – 2021, obligon palët për bashkëpunim të ngushtë në interes të qytetarëve të Gostivarit dhe në mënyrë që të bashkojmë forcat për të zbatuar projekte vendimtare për të rinovuar komunën në një jetë moderne dhe të denjë vend per te jetuar.
Ky bashkëpunim është rënë dakord të zgjasë nga dita e nënshkrimit deri në fund të mandatit të ardhshëm të kryetarit të sapozgjedhur dhe këshillit të komnal të Komunës së Gostivarit 2025.
Në vijim ua përcjellim pikat e dakorduara mes palëve.
BDI – Gostivar dhe “Gostivari që dua” do të promovojnë dhe zbatojnë një program të përbashkët për rinovimin e Gostivarit, bazuar në programin që inicijativa tashmë ka prezantuar.
BDI Gostivar dhe “Gostivari që dua” do të konkurrojnë në zgjedhjet e ardhshme lokale me një listë të përbashkët, ku jo më pak se 50 përqind e kandidatëve janë qytetarë të emëruar nga Iniciativa.
“Gostivari që dua” e kupton veten si Iniciativë qytetare dhe do të mbetet e tillë. Edhe pse këshilltarët e zgjedhur nga iniciativa do të ndërtojnë një grup në këshillin komunal së bashku me këshilltarët nga BDI, Iniciativa dhe anëtarët e tyre do të mbeten të pavarur dhe jopartiakë.
Iniciativa “Gostivari që dua” në këto zgjedhje do të mbështesë kandidatin për kryetar nga BDI, z. Nevzat Bejta dhe gjithashtu do të mbështes zbatimin e programit të përbashkët në këshillin e komunës së Gostivarit.
BDI Gostivar dhe Iniciativa “Gostivari që dua” janë plotësisht të përkushtuar ndaj këtij bashkëpunimi dhe zbatimit të programit të përbashkët. Në rast mosmarrëveshjesh ose bashkëpunimi të pakënaqur, të dyja palët mund ta përfundojnë këtë marrëveshje në çdo kohë, në këtë rast këshilltarët e emëruar nga Iniciativa do të mbeten anëtarë të pavarur të këshillit të komunal.
Më tej, BDI Gostivar dhe Iniciativa “Gostivari që dua” bien dakord mbi prioritetet e mëposhtme:
Një zgjidhje e shpejtë dhe e qëndrueshme për deponinë Rusino dhe situatën e mbeturinave në komunë në mënyrë që të sigurohet shëndeti i qytetarëve dhe një komunë e pastër.
Masa të menjëhershme për të çliruar qytetin nga qentë endacak duke ndërtuar një strehimore për qen, duke sterilizuar të gjithë qentë e rrugës dhe duke eutanizuar qentë agresivë për të mbajtur qytetarët dhe fëmijët të sigurt.
Zhvendosja e industrisë së lojërave të fatit nga shkollat dhe jashtë qytetit me qëllim që të mbrohen veçanërisht të miturit dhe familjet nga ndikimi i keq i kësaj industrie.
Masa të menjëhershme për të lehtësuar kaosin e trafikut në qytet duke ndërtuar infrastrukturën e nevojshme rrugore, hapësira të mjaftueshme parkimi dhe transport publik.
Një komunë plotësisht transparente dhe e orientuar drejt shërbimit, ku qytetarët do të përfshihen në vendimmarrje duke mbajtur referendum për të gjitha çështjet e rëndësishme dhe zero tolerancë ndaj korrupsionit dhe nepotizmit.
BDI Gostivar dhe Iniciativa qytetare “Gostivari që dua” nënshkruan këtë bashkëpunim me angazhimin e plotë për t’i shërbyer qytetarëve dhe për ta bërë Gostivarin një komunë më të sigurt, më të pastër dhe më të mirë për të gjithë.
Memorandumi për bashkëpunim u nënshkrua nga z. Lekë Dalipi i autorizuar nga Iniciativa për Gostivarin që dua dhe Kryetari i degës së Bashkimit Demokratik për Integrim në Gostivar, z. Bashkim Hasani.
