Makaronat në furrë me djathë, salsiçe e bizele janë një pjatë e vërtetë shefash kuzhine të cilën dhe ju me siguroni do ta adhuroni.
Recetat e tavave në furrë janë nga përgatitjen që vërtetë të mbajnë mbërthyer tek kuzhina.E sidomos kur kanë në përbërje disa lloje djathi, makarona dhe mish. Një miks shijesh të cilat nuk mund të mbesin pa u provuar edhe në shtëpinë tuaj.
Përbërësit:
400 gr makarona të shkurtra (pene, rigatoni etj); 400 gr salsiçe e freskët; 400 gr tul domatesh ose salcë; 100 gr bizele; Gjysmë qepe; 200 ml salcë beshamel; 300 gr mocarela ose djathë i bardhë; 30 gr djathë kaçkavall i grirë; 125 ml uthull molle; Kripë; Vaj ulliri;
Përgatitja:
Për të nisur me përgatitjen e kësaj recete, merrni një tigan të thellë, shtoni qepën e grirë hollë dhe skuqeni në pak vaj ulliri. Sapo qepa të jetë zbutur shtoni salsiçën e freskët të prerë në kubikë ose rrathë të vegjël. Kini parasysh të zgjidhni salsiçe të freskëta të cilat përdoren vetëm të pjekura ose të skuqura. Lërini të gjithë përbërësit të skuqen për disa moment derisa të fillojnë të marin ngjyrë e më pas mund të shtoni pak kripë e piper sipas dëshirës tuaj. Kur salsiçja të ketë filluar të skuqet, shtoni bizelet të cilat mund t’I përdorni edhe të ngrira, bashkë me uthullën e mollës.
Sapo kjo e fundit të avullojë, shtoni salcën e domateve pak kripë dhe uleni zja*rrin në minimum.
Salcën e përgatitur lëreni të gatuhet edhe për 10 – 15 minuta të tjera e më pas lëreni të ftohet në temperaturë ambienti. Ndërkohë vini të ziejnë makaronat në ujë më kripë si zakonisht derisa të jenë “aldente”, pra jo shumë të ziera. Kullojini dhe hidhini në një enë të thellë, po aty shtoni dhe salcën që përgatitët në tigan e më pas përzieni mirë të gjithë përbërësit. Tek ena shtoni edhe djathin e bardhë të thërrmuar dhe vazhdoni me përzierjen me kujdes derisa e gjithë ena me makaronat dhe salcën të ketë një pamjë uniforme.
Për pjekjen:
Zgjidhni një tavë pjekje prej qelqi dhe shtroni aty makaronat duke i përhapur me lugë nëpër të gjithë sipërfaqen e saj. Spërkasni sipër me djathë kaçavall të grirë dhe futeni të piqet në furrë të ngrohtë në temperaturën 180 gradë për 20 minuta. Në 5 minutat e fundit mund ta ngrini pak temperaturën në mënyrë që të përfitoni një shije më krokante.
