Presidentja e Kosovës, Vjosa Osmani, është takur sot me Presidentin e Turqisë, Rexhep Tajip Erdogan, me ç’rast, e para e shtetit të Kosovës, ka treguar se kanë biseduar për raportet e shkëlqyeshme ndërmjet Republikës së Kosovës dhe Republikës së Turqisë.
Ajo ka zbuluar gjithashtu se në këtë takim kanë biseduar edhe për mundësitë e thellimit të bashkëpunimit në shumë fusha.
Osmani në fund ka thënë se ka falënderuar Erdogan për përkrahjen e jashtëzakonshme që Turqia i ka dhënë Kosovës.
Ja shkrimi i plotë:
Në një takim shumë përmbajtjesor me Presidentin Erdogan, biseduam për raportet e shkëlqyeshme ndërmjet Republikës së Kosovës dhe Republikës së Turqisë dhe për mundësitë e thellimit të bashkëpunimit në shumë fusha.
E falënderova për përkrahjen e jashtëzakonshme që Turqia i ka dhënë Kosovës si dhe për mikpritjen dhe organizimin në SEECP dhe Antalya Diplomatic Forum.
