Sot Përputhen ka sjellë një përballje të pazakontë që ndodh për herë të parë, mes analistit të programit dhe një konkurrenteje.
Për të gjithë tensionin e krijuar mes tyre, Arjan Konomi dhe Sindi janë përballur me njëri-tjetrin.
Sindi është shprehur se komentet e analistit kanë qenë shkaku përse nuk i kanë shkuar mirë takimet me djemtë dhe tani nuk është e përputhur me asnjërin prej tyre.
Pjesë nga debati i tyre:
Arjan: Ajo që doja të sqaroja është se duke vënë re heshtjen, moskomunikim, nuk më ka ardhur mirë, ne edhe komunikonim edhe të këshilloja, të thoja fol, ji më aktive dhe nuk dua që të mendosh se unë e kam personale me ty. ke hyrë që në nëntor dhe je sot në një pamundësi të një takimi me një djalë. Kjo në një farë mënyre pavarësisht të gjithave njeriu duhet të shikojë edhe pak tek vetja e tij dhe të dëgjojë, më vjen keq që më dëgjon kaq pak.
Sindi: Si fillim doja të të falënderoja që je ulur në një pozicion si unë. Ky është një moment që unë jam konkurrente ti je opinionist. Në lidhje me komunikimin ke thënë që janë kritika. Kanë qenë ofenduese, bullizuese dhe poshtëruese. Kritikat e tua kanë bërë që rrugëtimi im këtu në ndryshojë dhe të mos e mendoja aspak. Kritikat e tua kanë bërë që unë të shfaqem si personi më negativ këtu, që Murati të më largohet dhe Loko të largohet.
Arjan:Të gjitha prej meje?
Sindi: Dashje pa dashje e ke kthyer në personale.
Arjan: Nuk e kam personale, njeriu po nuk pa problemet tek vetja, ja ma hidh fajin mua se nuk ndodh asgjë, po nuk dëgjoi nuk ndryshon sjellje, me atë qëllim që ka ardhur lufton, qoftë për një punë, qoftë kur studion në universitet qoftë për të njohur një djalë.
Sindi: Sjellja ime është e paprecedentë sipas teje, por unë duhet të të them se sjellja ime është pasqyrë e sjelljes tënde, unë jam mësuar të jem e sinqertë. Do t’i kisha pranuar kritikat, por kur i ke kaluar në poshtëruese unë nuk do të pranoj asnjë kritikë.
