Banorët e fshatit Beguncë të Vitisë po ankohen se hoxha i xhamisë së këtij vendi nuk po e thërret ezanin e namazit të mbrëmjes që përkon me kohën e iftarit.
Sipas tyre, prijësi fetar nuk shkon fare në xhami në kohë të iftarit e madje edhe dritat për të shënuar kohën kur fshatarët duhet të ndalojnë agjërimin e ditës i ndez një banor.
Vetë hoxha Nexhat Aliu, ndonëse jo para kamerës, e pranoi që nuk e thërret ezanin në kohën e iftarit pasi, siç tha, nuk e sheh të arsyeshme meqenëse të gjithë agjëruesit mund ta shohin përmes televizioneve.
Ndërkohë, në Bashkësinë Islame të Kosovës thanë se thirrja e ezanit nga hoxhallarët është e obligueshme në çdo namaz.
